Fèt Nasyonal Vodou: Èske Ayiti ta dwe suiv egzanp Benen?
Fèt Nasyonal Vodou: Èske Ayiti ta dwe suiv egzanp Benen? Malgre enpòtans vodou nan kilti ak listwa Ayiti, okenn fèt nasyonal pa egziste pou onore relijyon sa a. Nan Benen, chak 10 janvye, yo selebre yon evènman espesyal: Fèt Nasyonal Vodoun . Se yon jou kote yo onore kilti ak relijyon vodoun , ki se yon eleman enpòtan nan eritaj espirityèl peyi sa a. Fèt sa ranmase plizyè aktivite tankou, dans rityèl, ak seremoni pou onore divinite yo. Li pa sèlman reprezante yon fèt relijye, men yon mwayen pou mete vodoun nan kè idantite nasyonal Benen. Men, kisa nou ka di de Ayiti, yon peyi ki renome pou pratik vodou li yo? Èske Ayiti ta dwe pran egzanp Benen pou etabli yon fèt nasyonal ki dedye a vodou? Vodoun nan Benen: Yon Rekonesans Ofisyèl Fèt Nasyonal Vodoun nan Benen se yon fèt relijye, men tou yon ak politik ki mete vodoun nan yon pozisyon onorab. Jounen sa sèvi pou chanje pèsèpsyon monn nan sou vodoun , yon relijyon yo souvan estigmatize. An menm tan, li ede ranfòse inite na...
