Taiwan (Taywann) Lanse Bous Detid ICDF 2025 pou Etidyan Ayisyen

Anbasad Repiblik Lachin (Taiwan) an Ayiti anonse ouvèti aplikasyon pou bous ICDF 2025 lan.

Si w se yon sitwayen ayisyen epi w vle pouswiv yon metriz oswa yon doktora nan Taiwan, bous sa a ka ba w opòtinite pou w fè sa. Tout kou yo fèt an anglè epi gen 29 pwogram etid diferan ki fèt pou reponn ak bezwen etidyan entènasyonal yo.

Kondisyon pou w kalifye

• Pou metriz la ou dwe
• Gen mwens pase 30 lane
• Gen yon diplòm Lisans nan yon inivèsite piblik oswa prive MENFP rekonèt
• Byen metrize lang anglè
• Pou doktora a ou dwe
• Gen yon diplòm metriz nan yon inivèsite piblik oswa prive MENFP rekonèt
• Byen metrize lang anglè

Dokiman obligatwa pou aplikasyon an

1. Ranpli fòm aplikasyon sou sit Taiwan ICDF la (https://web.icdf.org.tw/ICDF_TSP/WelcomeStart.aspx) epi enprime li pou soumèt li bay anbasad la apre ou fin siyen li.
2. Yon biyografi (500 mo an anglè).
3. Yon kopi kat idantifikasyon nasyonal.
4. Yon kopi paspò valab.
5. Yon kopi dènye diplòm ou genyen, otantifye pa otorite ayisyen yo ak yon tradiksyon ofisyèl an anglè. (Si ou bezwen tradiksyon ofisyèl a bon pri, ekri HaitiTchala sou 48087591)
6. De lèt rekòmandasyon.
7. Yon sètifika ki pwouve w metrize anglè (yon tès ki rekonèt entènasyonalman).
8. Dènye relve nòt ou genyen, otantifye ak yon tradiksyon ofisyèl an anglè.
9. Yon kopi fòmilè ki montre enterè ou pou Taiwan atravè kont Facebook, X (Twitter) ak sit web Anbasad la.
10. Pou doktora: Ou dwe soumèt yon plan rechèch detaye.

Kouman pou w aplike

• Dènye dat pou soumèt aplikasyon: 28 fevriye 2025
• Ou dwe depoze dokiman ou yo nan yon anvlòp ki make: "Demande de bourse ICDF International Higher Education Scholarship Program", nan adrès sa a:
  Anbasad Repiblik Lachin (Taiwan), #22, Rue Lucien Hubert, Morne Calvaire, Pétion-Ville.
• Kandida yo ap resevwa yon notifikasyon pa imèl oswa telefòn si yo chwazi pou faz kap vini yo, ki gen ladan yon egzamen ekri ak oral.

NB: Si gen diferans ant enfòmasyon ki nan dokiman anèks yo ak sa ki nan anons sa a, se detay ki nan anons sa a ki ap valide.

N ap raple Taiwan se peyi ki bay plis bous an Ayiti chak ane. Selon anons ofisyèl yo an Out 2024 la, yo ap koumanse ofri 40 bous pa ane!!! Pami pi gwo ansyen bousye bous sa a gen Etzer Emile, Emmanuela Douyon epi Mike Béllot.

Pou plis detay, ou ka tcheke dokiman sa yo:

• Taiwan ICDF 2025 Higher Education Scholarship (https://www.taiwanembassy.org/uploads/sites/198/2025/01/File-3-1.pdf )
• Taiwan ICDF 2025 Higher Education Scholarship Application Guidebook (https://www.taiwanembassy.org/uploads/sites/198/2025/01/File-3-1-1.pdf )
• Fòmilè pou Facebook, X ak sit web Anbasad la (https://www.taiwanembassy.org/uploads/sites/198/2025/01/File-3-2.pdf )

Sa a se yon gwo opòtinite pou w pouswiv etid ou Taiwan! Pa rate chans ou!

📌 Dokiman akademik ou yo dwe tradui an anglè! San sa, yo p ap valide dosye ou! Pa rate chans ou!

📢 Haiti Tchala tradui tout dokiman bous ou bezwen rapid ak pri redui!
📞 Ekri nou sou watsap imedyatman nan 4808-7591!

Pou ou jwenn plizyè atik enteresan :

• Ale nan ribrik tchala egzamen ofisyèl yo la : https://www.haititchala.com/p/tchala-ns4.html la : https://www.haititchala.com/p/tchala-9eme.html epi la :
https://www.haititchala.com/p/ti-sekre-ueh.html

• Ale nan ribrik sante a la : https://www.haititchala.com/search/label/Sant%C3%A9
• Ale nan ribrik seksyalite a la : https://www.haititchala.com/search/label/Sexualit%C3%A9
• Ale nan ribrik edikasyon an : https://www.haititchala.com/search/label/%C3%89ducation
• Ale nan ribrik istwa a la : https://www.haititchala.com/search/label/histoire%20et%20politique
• 
  
• Découvrez la réalisation des chefs d'États à travers ce lien: Le Chef d'Etat en plusieurs points

• • Klike sou lyen sa a, si w vle pibliye sou haititchala.com : InfoPUBLICATION

    -- 
    

    VWA TOUT MOUN KONTE !

    Ann konekte sou 

    Facebook Twitter Instagram