Pop the ballon or find love : vèsyon Banj medya
Jou sa yo, Banj medya
prezan sou rezo sosyo e toujou òganize yon seri aktivite pou atire jèn, men tou
nan yon peyi ki stresan, yo eseye mete aktivite sa yo anplas pou mete yon ti
moso divètisman lakay jèn yo. Se nan optik sa, banj medya vini ak Pop the
ballon or find love. Jwèt sa, se yon jwèt ke nou abitye wè deja sou rezo sosyo
yo. Gen peyi tankou Etazini, Angletè,
kote jèn yo pratike l.
Banj Medya sou 2 epizòd nan jwèt sa. E n ap endike w 10 faktè remakab ki
atire atansyon moun nan aktivite sa.
- 1)
Majorite
fi yo pa renmen nèg kout.
Nan pati sa, youn nan viktim yo se Starboy. Depi nan rantre l sou sèn nan,
balon ap pete se komsi se 31 desanm. E youn nan kritik yo, se starboy kout, li
pa nan sans medam yo. Pou ale menm pi lwen, gen youn nan patisipan yo medam
yo menm deklare paske li kout, e li di li konn jwe baskèt, otomatikman se yon manti.
Youn
nan medam yo paka imajine kijan yon moun kout fè jwe baskèt. Bon n ap kite, oumenm
lektè, pou w tire pwòp konklizyon pa w.
- 2) Tout moun damou prezantatris la
Banj medya ofri nou yon
prezantatris ki gen bèl wote, ki bèl, ki konn pale, e ki leve anpil bèl emosyon
lakay pifò moun ka p swiv aktivite a. Nan menm optik sa, komantè sou tiktok ak
you tube sanble fè inanimite pou di reyèlman, prezantatris la bèl, e li konn sa l ap
fè a. Gen moun ki menm ale pi lwen, ki di, nan lis medam yo k ap pete balon yo,
pito se prezantatris la ki te nan plas yo, o mwen la yo t ap ka konprann.
- 3) Beverly Beverly Beverly
Beverly ki se youn nan
patisipan yo rete grave nan memwa tout moun. Gen anpil faktè ki koz. Deja Beverly
se yon moun ki toujou prezan nan Banj, se yon moun tou ki gen yon kont tiktok
ki aktif. Men gen kèk lòt faktè ki vin ajoute. Moun k ap swiv aktivite yo atire a repons l ap bay yo. E sou rezo yo, sa kreye yon sijè diskòd ant entènot yo. Si genyen
ki renmen jan li reponn ak tak, presizyon e senserite. Gen yon lot pati ki
twouve li awogan e menm arive fè kèk remak sou bote Beverly. Lojikman, jan nou
te ka atann ak sa, kesyon bote a soulve yon ekip kesyon e jiskaprezan poko janm
gen yon desizyon final sou bote Beverly ki selon anpil moun se yon bèl blak.
- 4) Ti dam wobo a
Anfèt youn nan patisipan
yo, te tankou yon wobo e li poze yon ekip kesyon. Selon entènot yo, se DCPJ ki
te voye l. Yo menm di se siri menm ki te prezan pou fason li pale, li poze kesyon
yo e menm gen entènot ki gen pwoblem paske li fè preske tout jwèt la pye l
kwaze.
- 5) Pifò enfomatisyen yo selibatè
Youn nan faktè ki atire atansyon
nou, se pifò gason ki patisipe yo se teknisyen an enfòmatik oubyen yo trè pwòch
yon chan ki kole ak enfomatik swa. Sa pemet nou poze anpil kesyon. Eske se yon reyalite, oubyen se tip de gason sa yo ki te deside
patisipe nan aktivite a. N ap kite w tire pwòp konklizyon pa w.
- 6) Medam yo pa renmen gason ki pi piti
pase yo
Nan kad aktivite sa, pifò
patisipan yo nan ventèn. E pifo anba 25 lane. Sa koz selon sa nou konstate medam yo pete blad yo paske yo estime yon gason ki pi piti pase yo p ap ka fè
yon relasyon serye avèk yo, ann di yon relasyon mati jan yo ta vle nou kwè l
la.
- 7)
Gen yon ‘’ tu peux partir’’ ki poze pwoblem
Anfèt youn nan kesyon yo
te enplike pou patisipan an te elimine youn nan fi yo. E gason an deklare Fabienne sipoze pati. E fraz mitik la se ‘’ tu peux partir’’. Ebyen fraz sa
akouche yon solidarite kay medam yo. Pifò medam yo deklare, ton fraz la di a, e
awogans lan rann yo eklate blad yo.
- 8) Gen youn nan medam yo ki ‘’hot’’ e ki
panse patisipan an p ap ka sipòte l
Youn nan medam yo jije li gen anpil enèji, bon fraz sa enplike yon ekip bagay ke nap kite w enimere yo
pouko w. Li deklare li vif anpil, e misye parèt twò poze. E sa rann misye
pa tip li, misye twò Dousman, e li montre li paka kraze yon ze. E kòm repons, patisipan
an deklare se konsa li ye, se yon bagay natirel.
- 9) Biznis kleren se yon garanti yo p ap pete blad la rapid sou ou
Gen youn nan patisipan yo
ki bay aspè kout, e jèn, men pati kote li se yon moun kap jere yon bizinis
kleren an rann medam yo atantif e yo pasyan pou yo dekouvri l pi plis.
- 10) Vwa gason atire fi
Youn nan medam yo deklare gen yon gason ki tap prezante tèt li, e vwa l atire l. Li menm deklare l ap imajine moun sa , l ap gen yon konvèsasyon avel blòk 11 zè di swa, li
gentan wè tout bagay ki ka rive akoz
de vwa a, vwa genlè eveye kèk pilsyon lakay medam yo. Dayè pifò lòt medam yo deklare
menm bagay la, genlè petèt misye se yon replik ‘’Aaron Pierre that s Mufasa’’.
N ap raple w aktivite
sa kreye nan lojik pou ede jèn yo jwen lanmou epi tou kreye yon pati divètisman
pandan peyi a ap konnen yon moman difisil. Eske oumenm k ap li atik sa konte
patisipe e deja sou ki kritè wap chwazi moun paw la.
Pou ou jwenn plizyè atik enteresan :
.png)
.png)
Commentaires
Publier un commentaire