Kanpay Viv Dessalines

Ayiti rete sèl peyi nan mond lan ki fè yon revolisyon anti kolonyalis, anti esklavajis epi anti segregasyonis. Ayiti trase yon egzanp pou tout limanite epi rantre nan batay pou dwa moun. Kokenchenn eksplwa sa te fèt gras avèk yon ewo ki rele  ‘’Dessalines’’. Ewo sa rete grave nan memwa tout moun pou gwo akonplisman sa epitou pou sa li reprezante. Jounen jodia, se yon moun nou paka bliye pou sa  li reprezante nan listwa peyi nou. Li pa t sèlman kontante l pou li bay Ayiti endepandans, li trase egzanp pou rès peyi nan kontinan Amerik la, li te ale pi lwen, pou li te garanti dwa moun respekte. Soti nan chase Fransè yo sou ti rès bout zile a, pase nan dekrè li mete deyò pou garanti nenpòt nwa ki vin isit ap lib otomatikman, epi abouti nan lidèchip, ‘’ Dessalines’’ rete yon ikón nou sipoze toujou sonje e salye bravou li.

Se nan optik sa, yon antite Josué Senat se responsab kominikasyon ladan l, deside mennen yon kanpay pou onore papa nasyon an. Kanpay viv Dessalines nan lanse pou onore memwa papa nasyon an, reflechi sou ideyoloji li t ap degaje yo, epi wè kijan a travè aksyon epi sa Dessalines te pwopoze kòm modèl politik, nou ka jounen jodia pwopoze yon solisyon ki adekwa ak diferan kriz nap travèse yo. Kanpay sa komanse depi 15 janvye epi lap fini 31 janvye 2025. Pandan tout kanpay sa a, ki gen pou fèt sou platfòm dijital yo , ekip sa ap pwopoze w plizyè aktivite anrichisan tankou mizik, pwezi, atizay vizyèl. Pou boukle aktivite sa ki reprezante anpil pou listwa nou, ap gen yon ‘’ duo’’ de Collinx ak Belo k ap konpoze yon mizik espesyal ki rele ‘’ lanperè a mouri’’.

N ap raple w kanpay sa se pou tout ayisyen, pou tout zanmi Ayiti, pou tout moun ki kwè nan dwa moun, pou tout moun ki kwè Ayiti reprezante anpil bagay nan kesyon ki gen pou wè ak libète moun nan mond lan. N ap envite w sipòte kanpay sa sou tout rezo yo, patisipe jan w kapab epi batay pou yon Ayiti kote respè ak jistis sosyal makonnen.

NB : nou pwopoze w kalandriye sou aktivite yo nan fen aktik la.

Pou ou jwenn plizyè atik enteresan :

• Ale nan ribrik tchala egzamen ofisyèl yo la : https://www.haititchala.com/p/tchala-ns4.html la : https://www.haititchala.com/p/tchala-9eme.html epi la :
https://www.haititchala.com/p/ti-sekre-ueh.html

• Ale nan ribrik sante a la : https://www.haititchala.com/search/label/Sant%C3%A9
• Ale nan ribrik seksyalite a la : https://www.haititchala.com/search/label/Sexualit%C3%A9
• Ale nan ribrik edikasyon an : https://www.haititchala.com/search/label/%C3%89ducation
• Ale nan ribrik istwa a la : https://www.haititchala.com/search/label/histoire%20et%20politique
• 
  
• Découvrez la réalisation des chefs d'États à travers ce lien: Le Chef d'Etat en plusieurs points

• • Klike sou lyen sa a, si w vle pibliye sou haititchala.com : InfoPUBLICATION

    -- 
    

    VWA TOUT MOUN KONTE !

    Ann konekte sou 

    Facebook Twitter Instagram