Passer au contenu principal

En vedette

Guide pour les candidats intéressés par la Faculté des Sciences Humaines (FASCH)

  Guide pour les candidats intéressés par la Faculté des Sciences Humaines (FASCH) 1.Historicité FASCH a été fondée le 19 juin 1974, grâce à Salomon Pierre-Louis, membre de l'équipe Duvalier. La FASCH est l'une des plus grandes institutions en sciences humaines et sociales respectées de l'Université d'État d'Haïti (UEH) et des Caraïbes. Depuis sa création, il a formé des milliers d'étudiants dans des disciplines importantes et a offert des opportunités de carrière à l'étranger. 2.Vue d'ensemble de la Faculté La FASCH offre des programmes de licence dans quatre disciplines majeures : Sociologie, Communication Sociale, Psychologie, et Travail Social. Elle abrite également un programme de maîtrise en Population et Développement (MAPODE), qui fonctionne au sein du Centre en Population et Développement (CEPODE). Avec un effectif de 36 professeurs à temps plein, la faculté accueille chaque année plus de 300 étudiants par le biais de deux concours d...
Publier un commentaire
Lire la suite
Libellés

Kisa w konnen toutbon sou Bwason Gazez? Yon bwason k ap detwi w gout pa gout

 

Kisa w konnen toutbon sou Bwason Gazez? Yon bwason k ap detwi w gout pa gout

Bwason Gazez yo toupatou. Endistri sa a depase 410 milya dola an 2023, sav le di 13 fwa PIB Ayiti a pou menm ane an. Kategori sa a gen ladan plizyè pwodwi tankou bwason gazez senp, bwason ki bay enèji, ak lòt pwodwi gazez san sik.  Dènye ane yo gen gwo inovasyon nan endistri a, sa ki pèmèt konpayi yo entwodui nouvo gou ak fòmilasyon ak anpil maketin pou fè konsomatè yo achte pi plis toujou!!

Konpozisyon jeneral

Bwason gazez yo gen CO2 gaz kabonik, ki bay yon sansasyon gazez ak yon gou yon ti jan fre anpil konsomatè twouve ki agreyab. Pou jwen rezilta sa a, yo  fonn CO2 nan yon likid anba presyon, Engredyan kle nan bwason gazez yo gen ladan dlo, gaz kabonik, edilkoran, awom, koulè, ak asid.  Pifô nan eleman sa yo atifisyèl, men gen kèk ka tou kote yo fè yon galimatcha ak kèk lot pwodui natirèl tankou Jennsenn, kafeyin, bilbowa, gwarana elatriye. Bwason gazez yo ka klase sou baz plizyè aspè: bwason gazez ki pa gen gou, bwason gazez ki gen ekstrè natirèl, bwason gazez ki gen awom atifisyèl, ak bwason gazez ki gen ji fwi.

Bwason gazez An Ayiti

Ete a rive ! chalè a cho ! Se moman pa konpayi bwason gazez yo. Depandaman de moman w ap li atik sa a, ou sètènman deja bwè youn oubyen de bwason nan jounen an. Men kisa w konn de bwason sa yo ? ki efè yo sou sante w ? Èske yo bay pwoblèm sik, tansyon, touye ?

Anvan w kontinye li atik la, pran yon ti poz toupiti, konte konbyen bwason gazez diferan ou konnen. Li ap difisil pou w pa jwenn 20 anvan 1 minit. Noumenm nan redaksyon an nou te sispann konte lè n rive sou 47 ! Chif sa ka parèt anpil, men lè w reflechi ak tout bwason tout plim tout plimay, 27 koulè lakansyèl, tout Fanta yo, tout Sejoune yo, tout Fiesta yo, pase pran koka, kola, byè, diven elatriye, w ap rann nou kont se anpil parès ki fè nou kanpe sou 47 😂.

Mache bwason gazez la an Ayiti se yon oligopol, sa vle di se yon kantite antrepriz tou piti ki ap vann yon pwodui ki pa two diferan youn ak lot. Pou n pi egzakt, gen sèlman 4 antrepriz : BRASSERIE NATIONALE D’HAÏTI S.A (BRANA); TROPIC S.A ; BRASSERIE DE LA COURONNE S.A; LA BRASSERIE SEJOURNE S.A. Se pa yon bon bagay ! Paske lè gen ti kras antrepriz sa a sou yon mavhe, li fasil pou yo antann yo pou yo, pou yo kenben pri pwodui yo wou. Se youn nan rezon ki fè se prèske chak 6 mwa pri yo ogmante 5 goud oswa 10 goud.

Anmenm tan tou, Bwason gazez yo an Ayiti pa fin dwat pase sa, piske yon memwa yon  Etidyan INAGHEI, li demontre antrepriz sa yon gen yon mwayèn 2.29 sou 5 sou kesyon responsbilite. Plizyè rezon ka lakoz. Premyèman selon etid la, Leta pa fè okenn kontwol serye sou yo, kidonk yo fè sa yo vle. Dezyèmman, Leta plis antrepriz yo pa kontwole pwodui y ap enpote yo. Twazyèmman, antrepriz sa yo souvan pa fè okenn dilijans pou pou ede nan jesyon fatra yo kreye yo. E pou fini, piske yo pa gen konkirans, se toujou konsomatè a ki sibi.

Fòk nou pa bliye kèk bwason konn bay anpil manti nan maketin yo. Yon egzanp senp, gade tout panno reklam ou wè nan lari yo, yo souvan prezante nou yon seri medam vant plat, nonm 6 pak. Yo di tou yo bay enèji, pèfomans seksyèl elatriye. Yon kesyon senp. Konbyen moun nou konnen ki ap bè byé ak koka chak jou, ki kore l ak yon babekyou ki gen 6 pak ? Nan yon atik Le nouvelliste an 2016, li montre aklè, kouman anpil na bwason n ap konsome an Ayiti yo bay gwo pwoblèm kè, sik elatriye. Anpil etidyan ki konsome yo anpil pou pèmèt yo bat larezistans, bat nayt e menm bat… deklare anpil fwa, kouman kè yo tonbe bip-bip pi rapid apre chak konsomasyon. Plizyè istwa k ap rakonte sou gran chimen moutre kouman melanj yo ak divès pwodui tankou maggi ak tranpe, bay gwo danje.

Pi ba a n ap jwenn plis detay!

Efè Segondè Bwason Gazez

Yon gwoup syantifik jwenn bwason gazez yo responsab 184000 desè sou yon ane !!!!!!

Sante Dantè

Bwason gazez ka domaje dan ou. Sik nan bwason sa yo entèaji ak bakteri nan bouch la, fòme asid ki ka dekale emay dan an, ki mennen kari dantè e ka menm pouri dan. Asid nan bwason gazez yo ogmante risk pou yo eliminen emay la. Imajine w ap bwè soda ou pi renmen an, sèlman pou dekouvri nan pita se abitid sa a ki voye w al rache dan.

Pwoblèm Gastwoentestinal

CO2 ki fonn nan bwason gazez yo vin rebay gaz la lè li chofe a tanperati kò a nan vant la, ki ka lakòz gonfleman akoz akimilasyon gaz. Sa ka lakòz tou lestomak brile ak yon gou asid nan bouch la. Sonje ti fèt lakominyon nan jodi k al debouche sou gonflemannan demen? Se plis pase yon senp deranjman paske w te manje twòp, bwason gazez la patisipe tou.

Obezite

Konsomasyon bwason gazez ki gen sik ajoute kalori nan rejim alimantè a, ogmante risk pou twòp pwa ak obezite. Yon etid avril 2007 ki pibliye nan "American Journal of Public Health" te rapòte yon pi gwo risk obezite yo asosye ak bwason gazez ki gen sik, espesyalman nan mitan fanm ak granmoun. Pataje enfòmasyon sa a ak zanmi w yo, si sante yo enpotan pou ou !

Defisyans Nitrisyonèl

Konsomasyon regilye bwason mou gazez yo ka afekte negativman konsomasyon total eleman nitritif ou yo, potansyèlman diminye konsomasyon pwoteyin, lanmidon, fib dyetetik, ak vitamin B-2 (riboflavin). Moun ki bwè bwason gazez yo ka manje mwens fwi ak bwè mwens ji fwi. Imajine yon zanmi k ap chwazi soda olye yon bon ti ji sitwon oubyen ji kole nitrisyonèl; kounye a ou ka pataje konesans sa a ak li pou w ede yo fè chwa ki bon pou sante yo a.

Sante Zo

Pou fanm, konsomasyon bwason gazez ka diminye fòs zo yo . Yon etid oktòb 2006 ki pibliye nan "The American Journal of Clinical Nutrition" te jwenn fanm ki te konsome kola regilyèman gen zo ranch yo ki pi fèb konpare ak moun ki pa t konsome bwason sa yo.

Mezanmi, si tout bon vre ou vle byen pou ou ak pwoch ou, pataje atik sa e swete l deklanche bon chwa rejim alimantè ak sante alontèm, ankouraje konsyans ak patisipasyon piblik la.

Pou ou jwenn plizyè atik enteresan :


Referans

Envoyer le message par courriel
Libellés :

Commentaires

Publier un commentaire

Messages les plus consultés