Yon ti bat bouch sou dosye ‘’Guy Philippe’’
Guy Philippe
se youn nan moun preske 3 denye jenerasyon peyi a konnen. Si yon bò gen yon pati ki konnen l kòm moun ki te bay gouvenman Arisitid
la koudeta e ki te nan menm moman an dekline òf yo te fèl pou
li te ka vin prezidan peyi a , ebyen yon lòt bò gen yon pati moun ki konnen l kòm moun Etazini
te mare nan dosye dwòg e ki te al nan prizon pandan yon
tranzisyon e ki retounen nan peyi a tou pandan yon tranzisyon. Gen yon ekip
kesyon kap poze sou retou l nan peyi a e menm gen yon slogan ki di ‘’ Ariel men Guy Philippe lage pye w’’.
Kounyea dosye
Guy Philippe la mande yon ti analiz paske jan nou tout konnen l depi retou li
nan peyi a, se tankou yon moun ki tou vini nan kanpay. Gen kesyon kap poze sou
poukisa blan Meriken chwazi lage l avan lè, eske se vrè polis ki ap ba li
sekirite, eske moun BSAP sa yo kap mache deyè l la, eske yo fyab, kote li jwen
kòb pou li ap fè tout vire tounen sa yo nan peyi a, eske lap ka prezidan
peyi a? eske lap bay ‘’Ariel’’ koudeta.
Tout kesyon sa yo kite tout moun pèpleks. Dayè nan repiblik la, souvan se wè
nou wè bagay yo fèt san pa vreman gen yon eksplikasyon.
Nan ti
analiz tout kout nap fè sou dosye sa, nap komanse avèk yon gwoup moun ki di, ‘’Guy’’ paka prezidan peyi a paske li
te kondane pou dwòg. Men nou panse Dwa a rezoud pwoblèm
sa. Guy te kondane pou dosye dwòg selon yon konvasyon ke peyi Dayiti
ak Etazini te siyen pou konbat krim transnasyonal sa epi kontrakare l sou
plizyè fòm. E si nap rantre nan lojik ‘’
Hans Kelsen ’’ nan konvansyon yo vini anba konstitisyon yon peyi men yo
vini avan lwa yo, avan arè yo e menm avan jirispridans la. Sa vle di selon
konvansyon sa ki te lakoz Guy kondane a fè li pa elijib pou patisipe nan
eleksyon nan peyi a, e li pèdi kek dwa politik ke li te ka genyen.
Si nou prale
pi lwen toujou, kounyea eske Guy ka fè yon revolisyon nan konteks ke nou ye la ?
nap dakò nan moman an peyi a ap travèse yon moman ki nwa sou tout liy nan nèt. Pa
vreman gen anyen kap mache epi ensekirite ap bat tout rekò nèt. Men kounyea eske nou ka fè yon ansyen kondane konfyans pou li mennen
yon revolisyon? Epi si sa ta rive fèt , eske se pa yon lot tranzisyon nap
genyen, e sin rantre nan lojik tranzisyon pa ranplase tranzisyon an, eske
revolisyon sa gen plas li? Sou menm lide sa tou, ki entasyon yon moun ki sot fè
preske 6 lane nan prizon aprè li fin mennen swadizan revolisyon sa ? eske yo
pa voyel pou yon objektif ke ni otè tèks la e oumenm kap lil la pa konnen ?
Yon lot aspè
nan dosye Guy a se dosye moun ki chwazi rete nan peyi e ki gen sèvo. Si nou dakò kore Guy epi mache dèyè l komkwa se li ki ka vin pote yon chanjman nan
peyi a, e chanje sistèm sa eske sa pa vle di tou nou menm ki la nou pa vo
anyen ? poukisa nou oblije tann yon moun ki soti nan prizon, ki fè menm 6
lane deyò peyi a, epi se li menm nou dakò mache avèl pou li fè revolisyon. Eske
sa pa vle di ke nou menm ki la nou se yon pakèt enkonpetan, yon pakèt lach e
menm yon pakèt moun san sèvo ?
Tout kesyon
sa yo rantre nan lojik pou pouse w oumenm lektè panche sou kesyon an, e fè yon
analiz sou dosye Guy a epi tire yon konklizyon kap petet bon pou peyi a…
Liens vers les autres articles:
https://www.haititchala.com/2023/11/le-scandale-de-lona-comment-86-millions.html
ONA encore, ONA toujours: Scandale de Corruption sur la location de voitures à l'ONA
La Routine de la Corruption : Le Sénat Haïtien Toujours dans la Tourmente !
Corruption au MENFP : Révélations Explosives de l'ULCC en 10 Points Choc
Greffier Complice : Comment l'Ex-Sénateur Willot JOSEPH a Tenté de Duper Tout le Monde avec un Certificat Faux !
Révélations Choc : Le Scandale des Bourses d'Études Russes Ébranle le Gouvernement Haïtien !
Nènèl CASSY Démasqué: Les Manœuvres Illégales Exposées par l'ULCC dans une Enquête Choc
Lien pour télécharger le rapport complet :
].
Klike sou lyen sa a, si w vle pibliye sou haititchala.com : InfoPUBLICATION
--
VWA TOUT MOUN KONTE !
Ann konekte sou
.png)
.png)
Commentaires
Publier un commentaire