Kontinan Afriken an fas ak kriz Ayiti a

 

 

Kontinan Afriken an fas ak kriz Ayiti a

Kontinan afrik la selon plizyè je konsidere kòm bèso imanite a, e selon kèk anpil lòt kòm yon kontinan ki chaje richès, e sa konn menm fè kèk lòt peyi gen anpil enterè ladan l. Men pa bò kote pa nou, kontinan afrik vle di anpil bagay, se ‘’Alma mater’’ nou, se la zansèt nou yo sòti, se la rasin nou chita, e pou plizyè lòt rezon nou sanse lye ak kontinan sa.

E listwa rapòte, Ayiti te pote soutyen l, bay Afrik la, sitou nan dosye voye pwofesè al bay timoun, jèn edikasyon a plizyè nivo, e menm anperè a, te menm pote l volontè pou pran swen pwojeniti kèk afriken, lè li te di’’ Les noirs dont leurs pères sont en Afrique, n’auront-ils rien? Tout sa se makonnen nou makonnen ak kontinan Afrik la, e nou souvan repete nou fyè ke se la lonbrit nou mare.

Men nan moman an, nap viv yon sitiyasyon ki depase nou, si gen moun ki kont yon misyon etranje vini pou divès rezon, tankou se piye y ap vin piye, se maladi y ap vin bay, se blan kap vin okipe nou sou yon lòt fòm, men lide pou se yon peyi afriken ki ap nan tèt misyon an, komanse chanje kèk lide sou kesyon an. Eske se paske, nous santi gen yon rapwochman istorik, kiltirèl avèk peyi afriken yo, bon sa ap mande yon lòt deba, men sa ki kenbe atansyon nou, pifò moun favorab ak solda ‘’Kenya’’ yo si yo ta vle pote èd yo,

Menm si nou p ap chita sou dosye ke poukisa Afrik la pran tout tan sa pou lonje bra bannou, poukisa nou poko santi solidarite nwa , nan yon sitiyasyon parèy. N ap konstate ke ‘’Kenya’’ vini sou sòl la, e sa li ofri a pa fin ede nou nan moman an. Dayè bandi pa vreman atake biwo leta, kek andwa stratejik pou ekonomi an vre, bandi yo se popilasyon an y ap deloje pou mete pwòp biznis yo anplas. Nan ka sa òf ‘’ Kenya’’ pa fin chita sou tab la, e nou pap menm pale sou konbyen kòb sa koute pou mesye yo vin fè konsta teren an isit.

Eske nan moman an ak tout retisans sa yo, pa fè nou poze tèt nou kesyon, kote Afrik la mete tèt li na koze sa, kote Afrik la, ki ta sipoze youn nan pemye kontinan ki sipoze pote men bannou, kwake nan moman an, kontinan ap konnen kriz politik , ekonomik pa l, men yon ti kout men, bay premye nwa ki endepandan an, ki fè yon revolisyon anti esklavaj la sipoze sou tab la…

Clique sur ce lien si toi aussi tu veux publier ton article sur haititchala.com : InfoPUBLICATION

-- 

VWA TOUT MOUN KONTE !

Restons connectés 

Facebook Twitter Instagram