Kisa Karen vle di kounye OZETAZINI ?

 

Kisa Karen vle di kounye OZETAZINI ?

Youn nan blag, video, oubyen sketch ki anvayi rezo sosyo yo, se KAREN ! Anpil Ameriken ap rele lòt Karen. Anpil video ap siskile sou rezo sosyo yo de Karen yo.

Kisa ki yon Karen? Kiyès ki yon Karen?

Karen te ka tradwi oubyen entèpre nan sans kreyòl Ayisyen tankou : « Estera ». Men Karen yo pa sèlman estera, yo souvan fwa rasis. Anpil nan yo pwoklame tèt yo kòm “Trump Supporter” (Fanatik Trump). Men kèk fason ou ka idantifye yon Karen:

·         Youn nan fraz ki pi popilè Karen yo itilize se : “ I wanna speak to your manager “. Yo toujou ap mande pou pale ak yon responsab, paske yo souvan pa satisfè de sèvis yo resevwa yo. Yon Karen se yon moun ki toujou sou fè pès, oubyen estera swa pou fè remake yo oubyen montre yo siperyè.

Clique sur ce lien si toi aussi tu veux publier ton article sur haititchala.com : InfoPUBLICATION

·         Yo pa vle pote mas nan piblik. Yo pa kwè ke Korona viris la egziste oubyen danjere. Anpil video sikile sou rezo sosyo yo kote Karen yo swa ap touse nan figi moun, oubyen fè yon gwo twou nan mas yo. Gen Karen ki pete goumen ak anplwaye ki ta mande yo pote mas, genyen ki ale pi lwen ki rele polis.

·         Pati ki pi degoutan ak Karen yo, se pati rasis la. Yo toujou prè pou rele 911, pou si yo wè yon moun nwa ap pase nan zòn yo, oubyen envante yon move sèn sou yon moun nwa. Yo renmen di lòt moun ki pa blan : <<Go back to your country.>> (Retounen nan peyi w). Youn nan ka Karen ki te rele lapolis enfo pou moun nwa se Ka Amy Cooper. Mesye a te fè videyo Amy, ki te pran pòz mesye a tap asele li, epi ki tap kriye, mande sekou. Sa te rann anpil moun endinye,

Nou ka imajine, Karen yo souvan kreye anpil konfizyon ak pètibasyon. Se sak fè San Francisco jodia vini ak yon akt ki pral fè li illegal pou yon moun rele lapolis jis paske li rasis. Akt sa a rele, CAREN (Caution Against Racially Exploitative Non-Emergencies)[1]. Akt sa a pral pini tout moun ki ta pwofite rele lapolis si pa gen yon ijans epi apèl ki baze sou koze ras.

Eske jounen jodia yon moun nwa ta dwe yon sispèk potansyèl nan mond lan? Eske se sèl ozetazini ki gen Karen? Ki pi bon fason yon moun oubyen yon sosyete ka jere yon Karen? Eske apre eleksyon an ap gen mwens oubyen plis Karen?

E si nou ta imajine menm jan ak John Lenon ke tout moun ap viv lavi a anpè ?

Jean Roudy ABELLARD

Politològ

j.r.abellard@gmail.com

---

[1] https://edition.cnn.com/2020/07/08/us/caren-act-911-san-francisco-trnd/index.html

Articles recommendés : 

Haïti, instabilité : La communauté internationale est coupable!  ( par Alceus Dilson )

Donald Trump avait-il raison sur Haiti? , 

Élection en Haïti: Ingérence sans précédent des Américains! Un étudiant de la FDSE réagit énergiquement.

Clique sur ce lien si toi aussi tu veux publier ton article sur haititchala.com : InfoPUBLICATION

-- 

VWA TOUT MOUN KONTE !

Restons connectés 

Facebook Twitter Instagram